Ֆիցոյի դեմ մահափորձից հետո Սլովակիայի խորհրդարանը նոր օրենքներ է ընդունել

Սլովակիայի խորհրդարանը հինգշաբթի հավանություն է տվել օրենսդրական փաթեթին, որն ուղղված է երկրի վարչապետ Ռոբերտ Ֆիցոյի դեմ մահափորձի հետ կապված առաջատար քաղաքական գործիչների և այլոց անվտանգության միջոցների ամրապնդմանը, հայտնում է AP-ն։

Միջոցառումները, որոնք կոալիցիոն կառավարությունը հաստատել է հունիսի 12-ին, ուժի մեջ կմտնեն հուլիսի 15-ին՝ Սլովակիայի նախագահ Պետեր Պելեգրինիի հաստատումից հետո։

Այդուհանդերձ, փաթեթը քննադատվեց ընդդիմության և իրավապաշտպան Amnesty International կազմակերպության կողմից, մասնավորապես՝ որպես մարդկանց հավաքների իրավունքը սահմանափակելու փորձ։

Օրենսդրության համաձայն՝ իշխանություններն իրավունք կունենան արգելել բողոքի ցույցերը քաղաքական գործիչների տների և բնակելի թաղամասերի առջև։ Ցույցեր չեն թույլատրվելու նաև կառավարության և նախագահական շենքերի մոտ։ Ներքին գործերի նախարարությունը կբացահայտի և կպատրաստի վարչապետի, նախագահի և խորհրդարանի խոսնակի երկարաժամկետ բնակության վայրերը, որոնք կպահանջվեն օգտագործել դրանք:

Պաշտպանություն կտրամադրվի նաև խորհրդարանում ներկայացված բոլոր քաղաքական կուսակցությունների առաջնորդներին, գլխավոր դատախազին և Սահմանադրական դատարանի նախագահին։