Քայլերը կարող են անդառնալի հետևանքների հանգեցնել․ Զախարովա

Մոսկվան Սեուլին նախազգուշացնում է չմտածված քայլերից, այդ թվում՝ Կիևին մահաբեր զենքի հնարավոր մատակարարումից, ինչը կարող է հանգեցնել անդառնալի հետևանքների ՌԴ-ի և Հարավային Կորեայի հարաբերությունների համար, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Կցանկանայինք Կորեայի Հանրապետությանը զգուշացնել չմտածված քայլերից, որոնք կարող են անդառնալի հետեւանքների հանգեցնել ռուս-հարավկորեական հարաբերությունների համար», - ասել է նա ճեպազրույցի ընթացքում:

Նրա խոսքով՝ Ռուսաստանն անտարբեր չի լինի հետեւել, թե ինչպես են հարավկորեական սպառազինությունն ու տեխնիկան փոխանցվում ուկրաինական կողմին։

Ավելի վաղ «Ռյոնհապ» գործակալությունը, վկայակոչելով Հարավային Կորեայի նախագահի գրասենյակին, հայտնել էր, որ Հարավային Կորեան կվերանայի Ուկրաինային մահացու զենք տրամադրելու հնարավորությունը Ռուսաստանի եւ ԿԺԴՀ-ի միջեւ համապարփակ ռազմավարական գործընկերության մասին պայմանագրի կնքումից հետո: