Քենիայում բողոքի ակցիաները շարունակվում են արդեն մի քանի օր՝ հարկերը բարձրացնելու կառավարության որոշման պատճառով:

Քենիայի մայրաքաղաք Նայրոբիում ցուցարարները ներխուժել են խորհրդարանի շենք։ Շենքում հրդեհ է բռնկվել, հաղորդում է «ՌԻԱ Նովոստին»:

Նշվում է, որ արդեն մի քանի օր է Քենիայում շարունակվում են բողոքի ցույցերը հարկերի բարձրացման դեմ: Առնվազն երկու մարդ զոհվել է, տասնյակ մարդիկ վիրավորվել են։

Իշխանություններն արդեն հայտնել են, որ կչեղարկեն ոչ պոպուլյար միջոցները, որոնց թվում եղել է հացի գնման 16 տոկոս ԱԱՀ-ն, ինչպես նաեւ ավտոտրանսպորտի 2,5 տոկոս հարկը:

Չնայած կառավարության երկխոսության պատրաստակամությանը, բողոքի ցույցերը չեն դադարել: