Մեր կարծիքով, անհրաժեշտ է նստել բանակցությունների սեղանի շուրջ․ Թուրքիայի ԱԳՆ
Թուրքիան ակնկալում է քաղաքական մթնոլորտի ստեղծում Ուկրաինայի հարցով բանակցությունների համար, հակամարտությունը պետք է հնարավորինս շուտ դադարեցնել, հայտարարել է Թուրքիայի ԱԳՆ ղեկավար Հաքան Ֆիդանը:
«Մենք ակնկալում ենք, որ Ուկրաինայի հարցով բանակցությունների մեկնարկի համար քաղաքական մթնոլորտն ավելի շուտ կսկսվի։ Արևմուտքի որոշ երկրներ, մասնավորապես՝ ԱՄՆ-ն, սպասում են ընտրական գործընթացի ավարտին։ Բայց, մեր կարծիքով, անհրաժեշտ է շուտ դադարեցնել հակամարտությունը, նստել բանակցությունների սեղանի շուրջ՝ հրադադարի համար։ Այդ դիրքորոշումն ընդգծվել է մեր կողմից Շվեյցարիայի գագաթնաժողովում»,- հայտարարել է Ֆիդանը Անկարայում չեխ գործընկերոջ հետ համատեղ մամուլի ասուլիսի ժամանակ։
Նրա խոսքով՝ հակամարտությունը կրում է «աշխարհաքաղաքական խզվածքի» խորացման, առանձին բլոկների ձևավորման ռիսկեր։
