Մենք անպատասխան չենք թողնի, չենք ների և չենք մոռանա․ Մեդվեդև
Ռուսաստանը կդիմանա նոր պատժամիջոցներին, բայց չի մոռանա, չի ների և անպատասխան չի թողնի իր ժողովրդին վնասելու փորձը։ Այս մասին իր անգլալեզու Telegram-ալիքում գրել է ՌԴ Անվտանգության խորհրդի ղեկավարի տեղակալ Դմիտրի Մեդվեդևը։
«Մենք կդիմանանք այդ նոր պատժամիջոցներին։ Բայց մենք չենք ների և չենք մոռանա, մենք լավ հիշողություն ունենք: Մենք անպատասխան չենք թողնի մեր ժողովրդին վնասելու մտադրությունը։ Դրա համար պետք է վճարել»,- ընդգծել է քաղաքական գործիչն իր գրառման մեջ։ Նմանատիպ գրառում նա հրապարակել է նաև X - ում։
