Բաքվում գերության մեջ պահվող Արցախի ռազմաքաղաքական ղեկավարության ներկայացուցիչների վերաբերյալ շինծու քրեական գործով նախաքննությունն ավարտվում է։ Ադրբեջանի գլխավոր դատախազը հայտարարել է այս մասին՝ նշելով, որ քրեական գործերով քննչական գործողություններն ավարտվել են և առաջիկայում կուղարկվեն դատարան։

«15 անձի վերաբերյալ նախաքննությունն արդեն ավարտվել է։Մեղադրյալները, փաստաբանները, տուժողները ներկայումս ծանոթանում են քրեական գործի նյութերին, ծանոթացման փուլն ավարտվելուց հետո մեղադրական եզրակացությունը կուղարկվի դատարան»,- հայտարարել է նա։