Միացյալ Նահանգները խորապես հիասթափված է Նեթանյահուի քննադատությունից. Սպիտակ տուն

ԱՄՆ-ը խորապես հիասթափված է Իսրայելի վարչապետ Բենիամին Նեթանյահուի քննադատությունից և այն անհիմն է համարում։ Այս մասին առցանց ճեպազրույցի ժամանակ հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։


«Կարծում եմ, մենք տարբեր ուղիներով շատ հստակ հայտնել ենք մեր իսրայելցի գործընկերներին մեր խորը հիասթափությունն այս տեսանյութում պարունակվող հայտարարություններից, ինչպես նաև մեր մտահոգությունը դրանց ճշգրտության վերաբերյալ», – ասել է Սպիտակ տան ներկայացուցիչը: Նա մեկնաբանել է հունիսի 18-ին անգլերեն լեզվով հրապարակված Նեթանյահուի տեսաուղերձը, որում վարչապետն աներևակայելի է անվանել Իսրայելին զենքի մատակարարումները սահմանափակելու ԱՄՆ որոշումը և պահանջել է վերացնել այդ սահմանափակումները։


«Գաղափարը, որ մենք ինչ-որ կերպ դադարեցրել ենք Իսրայելին օգնություն տրամադրել՝ կապված նրա ինքնապաշտպանության կարիքների հետ, բացարձակապես ճշգրիտ չէ»,- ասել է Քիրբին։

Քաղաքականություն

Պատահարներ