Կիմ Չեն Ընը Պուտինին երկու որսորդական շուն է նվիրել
Հյուսիսային Կորեայի առաջնորդ Կիմ Չեն Ընը ՌԴ նախագահ Վլադիմիր Պուտինին հազվագյուտ փխունսան ցեղատեսակի երկու որսորդական շուն է նվիրել: Այս մասին հայտնել Է Կորեայի կենտրոնական հեռագրական գործակալությունը։
«Կիմ Չեն Ընը պատվավոր հյուրերի նստավայրի այգում նախագահ Պուտինին նվիրել է մեր երկրի շների ազգային ցեղատեսակի փխունսան ցեղատեսակի մի զույգ շուն», - ասված է հաղորդագրության մեջ:
Փխունսանը Հյուսիսային Կորեայի սահմաններից դուրս չափազանց հազվագյուտ շների ցեղատեսակ է։
Պուտինը հունիսի 18-19-ը պետական այցով գտնվում էր Հյուսիսային Կորեայի մայրաքաղաքում: Այդ այցը պատասխան այց էր։ Երկիր այցելելու հրավերը Կիմ Չեն Ընն անձամբ է փոխանցել Պուտինին, երբ ինքը այցով գտնվում էր Ռուսաստանում անցյալ տարվա սեպտեմբերին:
