Դա կարող է հանգեցնել մոլորակի ոչնչացմանը․ Քենեդի կրտսերը առաջարկով է հանդես եկել

Վաշինգտոնը պետք է Ուկրաինայի հարցով բանակցություններ նախաձեռնի Ռուսաստանի հետ՝ հակամարտության խաղաղ կարգավորման համար: Այս մասին X սոցիալական ցանցում գրել է ԱՄՆ նախագահի անկախ թեկնածու Ռոբերտ Քենեդի կրտսերը, հայտնում է ՌԻԱ Նովոստին։ 

«Ես իսկական խաղաղ բանակցությունների կոչ եմ անում հենց հիմա՝ ԱՄՆ-ի, Ռուսաստանի և Ուկրաինայի հետ սեղանի շուրջ։ Պուտինը դա էր ուզում։ Մենք էլ պետք է դա ցանկանանք», - նշել է նա։

Քենեդի կրտսերն ընդգծել է, որ Ռուսաստանի հետ Արևմուտքի հակամարտությունը կարող է հանգեցնել մոլորակի ոչնչացմանը: Նա նաև պահանջել է դադարեցնել Ուկրաինայի ֆինանսավորումը։