Ուկրաինան ծրագրում է Ռուսաստանին հրավիրել խաղաղության հաջորդ գագաթնաժողովին. Bloomberg
Ուկրաինան կարող է Ռուսաստանին հրավիրել միջազգային գործընկերների հետ հաջորդ հանդիպմանը, որն ուղղված կլինի ապագա խաղաղ բանակցությունների բանաձեւի մշակմանը։ Այս մասին գրում է Bloomberg-ը՝ հղում անելով Ուկրաինայի նախագահի գրասենյակի ղեկավար Անդրեյ Երմակի հայտարարությանը։
Հրատարակությունը հայտնում է, որ Շվեյցարիայի գագաթնաժողովից հետո արդեն մշակվում է խաղաղության հերթական համաժողովի կազմակերպման հարցը, իսկ Էրմակը կարծիք է հայտնել Ռուսաստանին ներգրավելու մասին։
«Մենք կարծում ենք, որ հնարավոր կլինի հրավիրել Ռուսաստանի ներկայացուցչին»,- երեքշաբթի՝ հունիսի 18-ին, գործընկերների հետ բանակցությունների ժամանակ ասել է Ուկրաինայի ղեկավարի գրասենյակի ղեկավարը։
Bloomberg-ը նշում է, որ Շվեյցարիայում կայացած գագաթնաժողովում Ուկրաինան չի կարողացել ստանալ հանդիպմանը մասնակցող բացարձակապես բոլոր երկրների աջակցությունը՝ Հարավային Աֆրիկան, Հնդկաստանը և Բրազիլիան հրաժարվել են ստորագրել եզրափակիչ կոմյունիկեն։ Շատ պատվիրակներ նշել են, որ առանց Ռուսաստանի մասնակցության համաժողովը «դատապարտված է ձախողման», գրում է հրատարակությունը։
