Արդյո՞ք Բայդենը թմրանյութ է օգտագործում․ հարց՝ Թրամփին

ԱՄՆ նախկին նախագահ Դոնալդ Թրամփը առաջարկել է, որ հունիսի 27-ին CNN-ի եթերում բանավեճից առաջ ամերիկացի ներկայիս առաջնորդ Ջո Բայդենին «ինչ-որ բան կտան», որպեսզի նա կարողանա իրեն պահել հասարակության մեջ:

Նախկին նախագահը հիշեցրել է անցյալ տարի Սպիտակ տան արևմտյան թևում թմրանյութերի հայտնաբերման պատմությունը՝ նշելով, որ դրանք կարող են պատկանել Բայդենին։ «Ես չգիտեմ, թե ինչ է նա օգտագործում, բայց նա ամբողջովին հարբած էր», - ասել է Թրամփը՝ պատասխանելով հաղորդավարի ուղղակի հարցին, թե արդյոք Բայդենը թմրանյութ է օգտագործում:

Ըստ ԱՄՆ պաշտոնյաների և ԶԼՄ-ների՝ թմրանյութը հայտնաբերվել է 2023 թվականի հուլիսին Սպիտակ տան արևմտյան թևում՝ զբոսանքի տարածքում գտնվող պահարանում, որտեղ աշխատակիցներն ու այցելուները թողել են բջջային հեռախոսները պահպանության համար: Շենքի արևմտյան թևում են գտնվում Օվալաձև գրասենյակը և պետության ղեկավարի մի շարք մերձավոր օգնականների և խորհրդականների գրասենյակները: Սպիտակ տան մամուլի քարտուղար Կարին Ժան Պիերը հայտարարել է, որ նախագահ Ջո Բայդենը տեղյակ է տեղի ունեցածի մասին։

Հիշեցնենք՝ Բայդենն ու Թրամփը պայմանավորվել են հեռուստաբանավեճ անցկացնել հունիսի 27-ին CNN-ով։