Մոսկվան ձախողված է համարում Շվեյցարիայում Ուկրաինայի հարցով խորհրդաժողովը. Զախարովա
Ռուսաստանի արտգործնախարար Մարիա Զախարովան հայտարարել է, որ Մոսկվան Շվեյցարիայում ուկրաինական գագաթնաժողովը համարում է ձախողված։ Այս մասին գրում է РИА Новостиժն։
Նա նշել է, որ գագաթնաժողովը որպես «գրեթե համընդհանուր մասշտաբի» իրադարձություն ներկայացնելու փորձերը վերածվել են ֆիասկոյի, և հրավիրված 160 երկրների գրեթե կեսը հրաժարվել է «ներգրավվել քաղաքական զբոսաշրջությանը»։
«Գլոբալ հարավի երկրների ներգրավվածությունը առավելագույնի հասցնելու վրա կենտրոնացումը չաշխատեց»,- հավելել է Զախարովան։
Նա ընդգծել է, որ Կիևը և Արևմուտքը ի սկզբանե մտադիր չեն եղել ուկրաինական ճգնաժամը խաղաղ ճանապարհով լուծելու ուղիներ որոնել։
Ավելի վաղ ՌԴ նախագահի միջազգային հարցերով օգնական Յուրի Ուշակովը հայտարարել էր, որ Շվեյցարիայում Ուկրաինայի հարցով խորհրդաժողովը որևէ ներդրում չի ունեցել խաղաղ կարգավորման ուղղությամբ առաջընթացի գործում։
