Լարվածության հերթական սրացում է․ Պեսկով

ՆԱՏՕ-ի գլխավոր քարտուղար Յենս Ստոլտենբերգի հայտարարությունն այն մասին, որ հարկ է քննարկել դաշինքի միջուկային զենքը մարտական պատրաստության բերելու անհրաժեշտությունը, լարվածության հերթական սրացում է։ Այս մասին ասել է Կրեմլի խոսնակ Դմիտրի Պեսկովը։

«Այն, ինչ ասել է պարոն Ստոլտենբերգը, ակնհայտորեն չի տեղավորվում նախօրեին Շվեյցարիայում Ուկրաինայի հարցով համաժողովում ընդունված հռչակագրում, որում ասվում է, թե հարկ է խուսափել նման հռետորաբանությունից»,- ասել է Պեսկովը:

Ավելի վաղ հայտնել էինք, որ ՆԱՏՕ-ի անդամ երկրները խորհրդակցություններ են սկսել միջուկային զենքը մարտական պատրաստության բերելու անհրաժեշտության շուրջ։