ԱՄՆ-ը, Հարավային Կորեան և Ճապոնիան համաձայնագիր կստորագրեն Հյուսիսային Կորեայի դեմ
Միացյալ Նահանգները, Հարավային Կորեան և Ճապոնիան այս տարի կստորագրեն գործընկերության մասին համաձայնագիր, որն ուղղված Է ԿԺԴՀ-ի կողմից միջուկային «սպառնալիքին» հակազդելուն: Այս մասին հայտնում է Bloomberg գործակալությունը։
«ԱՄՆ -ը, Հարավային Կորեան եւ Ճապոնիան համաձայնագիր կստորագրեն Հյուսիսային Կորեայի միջուկային զենքից բխող սպառնալիքների դեմ անվտանգության ոլորտում իրենց գործընկերության պաշտոնական ձեւակերպման մասին», - ասված է հրատարակության հաղորդագրության մեջ:
Հարավային Կորեայի պաշտպանության նախարար Շին Վոնսիկը Bloomberg-ին տված հարցազրույցում հայտարարել է, որ շուտով կհանդիպի իր ամերիկացի և ճապոնացի գործընկերների հետ՝ համապատասխան փաստաթուղթ ստորագրելու համար: Նրա խոսքով՝ առաջնահերթությունը կլինի «համակարգի ստեղծումը, որը թույլ կտա ավելի արդյունավետ, օպերատիվ եւ ներդաշնակորեն արձագանքել Հյուսիսային Կորեայի միջուկային եւ հրթիռային սպառնալիքներին»:
Գործակալությունը գրում է, որ փաստաթուղթը նախատեսվում է ստորագրել մինչև ԱՄՆ հաջորդ նախագահի երդմնակալությունը:
Մինչ այդ հաղորդվել էր, որ Ատոմային Էներգիայի միջազգային գործակալությունը (ՄԱԳԱՏԷ) ցանկանում է վերսկսել համագործակցությունը Հյուսիսային Կորեայի հետ:
