Հայտնի է` ինչ զինատեսակներ կստանա Ուկրաինան մոտ ապագայում
Ուկրաինան ակնկալում է Դանիայից F-16 կործանիչների վաղաժամ մատակարարումներ։ Այս մասին գրել է Վլադիմիր Զելենսկին իր թելեգրամյան ալիքում Դանիայի վարչապետի հետ հանդիպումից հետո։
«Հանդիպման ընթացքում մենք հնարավորություն ունեցանք քննարկելու դանիական F-16 ինքնաթիռների տեղափոխման նախապատրաստման ընթացքը, որոնք մոտ ապագայում կժամանեն Ուկրաինա»,- նշել է Զելենսկին։
Այս շաբաթ Պետդումայի պաշտպանության կոմիտեի ղեկավար Անդրեյ Կարտապոլովն ասաց, որ եթե F-16-ները մասնակցեն մարտական առաջադրանքներին, ապա և՛ նրանք, և՛ այն օդանավակայանները, կդառնան օրինական թիրախ ռուսական զինված ուժերի համար։
