Հայտնի է` ինչ են քննարկել Գրիգորյանն ու Սալիվանը

Շվեյցարիա աշխատանքային այցի ընթացքում Անվտանգության խորհրդի քարտուղար Արմեն Գրիգորյանը հանդիպել է ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ:

ԱԽ գրասենյակից հայտնում են, որ հունիսի 16-ին կայացած հանդիպմանը նրանք քննարկել են հայ-ամերիկյան համագործակցությունն անվտանգության ոլորտում և անդրադարձել ԱՄՆ-ի աջակցությանը Հայաստանի պաշտպանական և անվտանգային կարողությունների, ինչպես նաև դիմակայունության բարձրացման հարցերում:

Նշվում է, որ քննարկվել են նաև օրակարգային այլ հարցեր` առանց մանրամասներ ներկայացնելու։

Հիշեցնենք, որ Արմեն Գրիգորյանը Շվեյցարիայում մասնակցում էր «Ուկրաինայի խաղաղության բանաձև գագաթնաժողովին»: