Ուկրաինան և ԱՄՆ-ն ստորագրել են անվտանգության տասը տարվա պայմանագիր
Ուկրաինան և ԱՄՆ-ն Իտալիայում` G7-ի գագաթնաժողովում, անվտանգության համաձայնագիր են ստորագրել, որը նախատեսված է տասը տարվա համար, հայտնում է Reuters-ը։
Գործակալությունը գրում է, որ համաձայնագիրը կարող է լինել Ուկրաինայի հաջորդ քայլը դեպի «Ուկրաինայի հնարավոր անդամակցությունը ՆԱՏՕ-ին»։
Փաստաթղթի համաձայն՝ ԱՄՆ-ն Ուկրաինային կտրամադրի «երկարաժամկետ նյութական օգնություն», ուսուցում և հետախուզություն «ուկրաինական անվտանգության և պաշտպանության ուժերի զարգացման համար»։
CNN-ի աղբյուրներն ընդգծել են, որ համաձայնագիրը կունենա «գործադիր համաձայնագրի» կարգավիճակ և պարտադիր չի լինի Ամերիկայի ապագա նախագահների համար։
