ՏԵՍԱՆՅՈՒԹ․ Հրդեհ՝ Ֆրանսիայի հանրահայտ Վերսալի պալատում․ տարհանում է իրականացվել
Այսօր հրդեհ է բռնկվել Ֆրանսիայի հանրահայտ Վերսալի պալատում։ Վերսալի այցելուները տարհանվել են հրդեհային ազդանշանի միացումից հետո, իսկ լրատվամիջոցների կադրերը ցույց են տալիս, որ շենքից ծուխ է բարձրանում:
Կադրերում երևում է, որ պալատի վերևում սպիտակ ծուխ է բարձրանում։ Սոցցանցերի օգտատերերը նույնպես կադրեր են տարածում դեպքի վայրից։ Միջադեպի պատճառները դեռ չեն հաղորդվում։
Վերսալի ներկայացուցչի խոսքով՝ իրենց հաջողվել է հրդեհն արագորեն վերահսկողության տակ առնել։
