«Մեր նախագահը գիտի, թե ինչ և ինչպես անել». Պեսկով
Ռուսաստանի նախագահ Վլադիմիր Պուտինն աշխատանքային օրն ավարտում է կեսգիշերից հետո, իսկ սկսում՝ վաղ առավոտյան: Այս մասին ասել է պետության ղեկավարի մամուլի քարտուղար Դմիտրի Պեսկովը, ով Պուտինին անվանել է աշխատասեր: Տեղեկատվությունը փոխանցում է ՏԱՍՍ-ը:
Կրեմլի ներկայացուցչի խոսքով՝ նախագահը «բառի լավ իմաստով բացարձակ աշխատասեր է»։
Պեսկովը պետության ղեկավարի ժամանակացույցը բնութագրել է որպես «իրապես շատ խիտ»:
«Նախագահն աշխատանքային օրն ավարտում է ամեն օր կեսգիշերից շատ հետո»,-ասել Է Պուտինի մամուլի քարտուղարը և նշել որ վաղ առավոտյան նա արդեն կապի մեջ է։
Պեսկովը պարզաբանել է, որ այժմ երկիրն ապրում է այնպիսի ժամանակաշրջան, որը պետության ղեկավարից պահանջում է շատ եռանդուն ջանքեր"
«Եվ մեր նախագահը գիտի, թե ինչ եւ ինչպես անել», - եզրափակել Է Կրեմլի ներկայացուցիչը:
