Նոր աստղ, նոր փառահեղ էջ. Մխիթարյան
Իտալիայի նորընծա չեմպիոնի Միլանի «Ինտերի» կիսապաշտպան Հենրիխ Մխիթարյանը սոցիալական ցանցերում արած գրառմամբ անդրադարձել է իտալացի Սիմոնե Ինձագիի գլխավորած թիմի չեմպիոնությանը։ Ա սերիայի այս մրցաշրջանում վերջին տնային հանդիպումից հետո «Ինտերը» ստացել է չեմպիոնական գավաթը։
«Նոր աստղ, նոր փառահեղ էջ «Ինտերի» պատմության մեջ»,- գրել է Մխիթարյանը՝ հրապարակելով լուսանկար։
20-րդ չեմպիոնական տիտղոսի առթիվ «Ինտերի» խաղաշապիկին հայտնվել է երկրորդ աստղը։
