Վրաստանի ներսում դրսից փորձում են հեղաշրջում անել. Կախա Կալաձե
Իշխող «Վրացական երազանք» կուսակցության գլխավոր քարտուղար, Թբիլիսիի քաղաքապետ Կախա Կալաձեն հայտարարել է, որ դրսից փորձ է արվում երկրում հեղաշրջում իրականացնել:
«Իհարկե, դրսից փորձեր կան, որ երկրում տեղի ունենա հեղաշրջում, հեղափոխություն»,- ասել է Կալաձեն վրացական «Ռուսթավի-2» հեռուստաընկերության եթերում:
Նա նշել է, որ «Թբիլիսի ժամանած Լիտվայի, Էստոնիայի, Լատվիայի և Իսլանդիայի արտաքին գործերի նախարարները ուղիղ գնացին ընդդիմության հանրահավաքին», որը տեղի է ունենում Վրաստանի խորհրդարանի առջև։
«Սա երկրում բևեռացում հրահրելու փորձ է (...) Ամեն ինչ պետք է կոչել իր ճիշտ անունով», - ասել է Կալաձեն:
Միաժամանակ նա վստահություն է հայտնել, որ Վրաստանում «մայդաններ» չեն լինի:
