Գնալու ենք այս մարդկանց հեռացմանը, այլընտրանք չեն թողել. Բագրատ Սրբազան
Ես այս պայքարից ոտք ետ դնողը չեմ, եթե մենակ էլ մնամ այս հրապարակում: Այս մասին Սուրբ Աննա եկեղեցու բակում հայտարարել է Բագրատ Սրբազանը։
«Այս շարժման նպատակը մեր երկրի վերականգնումն է, մեր երկրի ապաքինումը, զարգացումը։
Գնալու ենք այս մարդկանց հեռացմանը, ուրիշ ձև չունենք մենք, ուրիշ կերպ չկա, այլընտրանք չեն թողել ուղղակի։ Հայրենիքի, պետության հսկայական հատվածի զիջումը ներկայացնում են որպես հաղթանակ»,- ասել է նա:
Բագրատ Սրբազանը ավելացրեց, որ առաջիկա հանրահավաքին կներկայացնի հստակ ճանապարհային քարտեզ։
«Առաջիկա հանրահավաքին ես կհայտարարեմ հստակ ճանապարհային քարտեզը։ Հանրահավաքից հետո կսկսվի ինտենսիվ պայքարը, որը մեզ տանելու է մեր ցանկացած հանգրվանին։
Մեր հայրենիքի, մեր պետության, մեր ժողովրդի շահից բացի, այլ բացարձակ արժեք գոյություն չունի»,-ասել է Բագրատ Սրբազանը։
