Ֆրանսիայի ՆԳՆ ղեկավարը Ադրբեջանին մեղադրել է Նոր Կալեդոնիայում իրավիճակին միջամտելու փորձերի մեջ
Ֆրանսիայի ՆԳ նախարար Ժերալդ Դարմանինը հայտարարել է Նոր Կալեդոնիայում իրավիճակին միջամտելու Ադրբեջանի փորձերի մասին, որտեղ վերջին օրերին բողոքի ցույցեր ու անկարգություններ են տեղի ունենում։ Ադրբեջանի ԱԳՆ-ն նման մեղադրանքները վիրավորական է անվանել։
«Սա ֆանտազիա չէ, սա իրականություն է։ Ցավոք սրտի, որոշ անկախության մարտիկներ գործարք կնքեցին Ադրբեջանի հետ»,- ասել է Դարմանինը France2 հեռուստաալիքի եթերում (նրա խոսքերը մեջբերում է RFI-ն)։
Նոր Կալեդոնիան ֆրանսիական անդրծովյան տարածք է, կղզիների խումբ, որը գտնվում է Խաղաղ օվկիանոսի հարավ-արևմուտքում, որը սահմանակից է Ավստրալիայի տնտեսական գոտուն: Բնակչությունը՝ մոտ 270 հազար մարդ։
Ադրբեջանի ԱԳՆ-ն «X» սոցիալական ցանցում հայտարարություն է տարածել, որում Ֆրանսիայի իշխանությունների մեղադրանքներն անվանել է «վիրավորական և անհիմն»։ Ըստ AFP-ի՝ Ֆրանսիայի կառավարությունը մի քանի ամիս է, ինչ անհանգստացած է Նոր Կալեդոնիայում իրավիճակի վրա Ադրբեջանի ազդեցությամբ, սակայն նախկինում այդ մասին հրապարակավ չի բարձրաձայնել։
