Մոսկվայում 53 տարեկանում մահացել է ռուս լրագրող Մաքսիմ Կոնոնենկոն

53 տարեկանում մահացել է ռուս լրագրող Մաքսիմ Կոնոնենկոն։ Այդ մասին հայտնում են ռուսական ԶԼՄ-ները։

Հայտնի լրագրողը և քաղաքական մեկնաբանը, ով հայտնի էր «Միսթր Պարկեր» կեղծանվամբ, НТВ-ի եթերում Գլեբ Պավլովսկու հետ համատեղ վարում էր «Реальная политика» հաղորդաշարը։

Mash-ի հաղորդմամբ` Մաքսիմ Կոնոնենկոյի մահվան նախնական պատճառը սաստիկ արյունահոսությունն է՝ կերակրափողի երակների լայնացման պատճառով։

 Լրագրողը վատացել է մայիսի 13-ի երեկոյան Վերխովե գյուղի տանը։ Կոնոնենկոն գանգատվել է ստամոքսի սուր ցավերից և դեղնել։ Որդին շտապօգնություն է կանչել, բժիշկները տղամարդուն տեղափոխել են հիվանդանոց, սակայն չեն կարողացել փրկել։