Զելենսկին նշել է ռազմաճակատի հատկապես լարված կետերը և թիվ մեկ խնդիրը

Այսօր ուշադրության կենտրոնում, առաջին հերթին, ճակատն է իրավիճակը մեր տարածաշրջաններում, որտեղ ռուսական հարձակողական գործողությունների ռիսկերն ամենաբարձրն են։ Այս մասին հայտարարել Է Ուկրաինայի նախագահ Վլադիմիր Զելենսկին։

«Ուկրաինական պաշտպանական գործողություններն իրականացվում են Խարկովի մարզում՝ Ստրիլեչա, Կրասնոե, Մորոխովեց, Օլեյնիկովո, Լուկյանցի, Խատիշչե, Պլետենևկա գյուղերի շրջանում։ Սահմանամերձ գյուղերն են։ Արդեն երկու օր է՝ ուկրաինական զորքերն այնտեղ հակագրոհային գործողություններ են իրականացնում՝ պաշտպանելով Ուկրաինական տարածքը»,- ասել է նա։

«Հատկապես լարված է մնում իրավիճակը նաև Դոնեցկի շրջանում, մասնավորապես Պոկրովսկի ուղղությամբ՝ Սեմյոնովկա, Նեթայլովո։ Ամեն օր այնտեղ ավելի քան 30 ռազմական բախում է տեղի ունենում։ Դա չափազանց դժվար է: Իհարկե, մենք ուշադրություն ենք դարձնում նաև մեր պաշտպանական գործողությունների մնացած բոլոր ուղղություններին։ Կուպյանսկոյե, Լիմանսկոյե, Սիվերսկոյե, Կրամատորսկոյե, Վրեմովսկոյե ուղղություններ», - նշել է նա։

Ռուսների հարձակողական մտադրությունները խափանելը թիվ մեկ խնդիրն է, ընդգծել է նա։