ՌԴ ՊՆ–ն կղեկավարի քաղաքացիական անձ. Պեսկով
ՌԴ նախագահ Վլադիմիր Պուտինը որոշել է երկրի ՊՆ ղեկավարի պաշտոնում նշանակել քաղաքացիական անձի: Այս մասին հայտնել է ՌԴ նախագահի մամուլի քարտուղար Դմիտրի Պեսկովը:
«Նախագահը որոշել է, որ պաշտպանության նախարարությունը պետք է ղեկավարի քաղաքացիական անձ», - ասել է Կրեմլի խոսնակը:
Ավելի վաղ հայտնել էինք, որ ՌԴ ՊՆ ղեկավարի պաշտոնում Վլադիմիր Պուտինն առաջարկել էր Անդրեյ Բելոուսովին, ով նախկինում զբաղեցրել է առաջին փոխվարչապետի պաշտոնը:
Ինչպես ընդգծել է Պեսկովը, շատ կարևոր է ուժային բլոկի տնտեսությունը տեղավորել Ռուսաստանի Դաշնության տնտեսության մեջ, որ այն համապատասխանի «պահի դինամիկային»։
Կրեմլի ներկայացուցիչը հիշեցրել է, որ մարտի դաշտում հաղթում է նա, ով ավելի բաց է նորարարությունների և «օպերատիվ իրականացման» համար։
