Թբիլիսիում տեղի է ունենում հանրահավաք՝ ի պաշտպանություն օտարերկրյա գործակալների մասին օրենքի
Վրաստանի խորհրդարանի շենքի մոտ տեղի է ունենում բազմահազարանոց ցույց՝ ի պաշտպանություն օտարերկրյա գործակալների մասին օրենքի։ Այս մասին գրում է ՏԱՍՍ-ը։
Ցույցի կազմակերպիչը իշխող «Վրացական երազանք-Ժողովրդավարական Վրաստան» կուսակցությունն է։
Գործակալության տվյալներով՝ վրացական դրոշներով հազարավոր մարդիկ շրջել են Թբիլիսիի Ռուսթավելի պողոտայում։ Մարդիկ շարունակում են հանրահավաքին միանալ:
Հանրահավաքի հիմնական կարգախոսները նվիրված են օրենքի ընդունման անհրաժեշտությանը։
