Ալեն Սիմոնյանը Մատվիենկոյի նամակը նամակը ստացել է

ՀՀ Ազգային ժողովը ստացել է ՌԴ Դաշնային խորհրդի նախագահ Վալենտինա Մատվիենկոյի նամակը: Այս մասին լրատվամիջոցներին ասել է ԱԺ նախագահի մամուլի խոսնակ Նելլի Ղուլյանը։

Հիշեցնենք` երեկ ԱԺ նախագահ Ալեն Սիմոնյանը լրագրողների հետ ճեպազրույցում հայտնեց, որ ԱԺ-ն դեռ չի ստացել ՌԴ Դաշնային խորհրդի նախագահ Վալենտինա Մատվիենկոյի նամակը, երբ ստանան՝ կարձագանքի։

Ավելի վաղ Վալենտինա Մատվիենկոն հանձնարարել էր ԱԺ խոսնակ Ալեն Սիմոնյանի հայտարարությունների հետ կապված նախապատրաստել և հարցում ուղարկել Հայաստանի խորհրդարան՝ նշելով. «Ուղղակի ամոթ էր մեր գործընկերոջ համար, որ նա արդեն բոլոր կարմիր գծերն անցել է»։

Հիշեցնենք՝ ելույթ ունենալով ԵՄ խորհրդարանների նախագահների խորհրդաժողովում՝ Սիմոնյանը հայտարարել է. «Համաժողովի ուշադրության կենտրոնում Ուկրաինա Ռուսաստանի ներխուժման հարցն է և մերձավորարևելյան հակամարտությունը` ուզում եմ վերահաստատել, որ Հայաստանը հաստատակամորեն պաշտպանում է Ուկրաինայի, ինչպես նաև Մոլդովայի, Վրաստանի, Կիպրոսի և բոլոր երկրների տարածքային ամբողջականությունը»: