![ԼՈՒՍԱՆԿԱՐՆԵՐ․ Խոշոր ավտովթար-հրդեհ՝ Գյումրիում. ավտոմեքենաները վերածվել են մոխրակույտի](https://auroranews.am/storage/img/base_image/2024-04-24/6628bc2f2cafd.webp)
ԼՈՒՍԱՆԿԱՐՆԵՐ․ Խոշոր ավտովթար-հրդեհ՝ Գյումրիում. ավտոմեքենաները վերածվել են մոխրակույտի
![ԼՈՒՍԱՆԿԱՐՆԵՐ․ Խոշոր ավտովթար-հրդեհ՝ Գյումրիում. ավտոմեքենաները վերածվել են մոխրակույտի](https://auroranews.am/storage/img/base_image/2024-04-24/6628bc2f2cafd.webp)
Այսօր՝ ապրիլի 24-ին, խոշոր ավտովթար-հրդեհ է եղել Շիրակի մարզում: Ժամը 01:10-ի սահմաններում Գյումրի քաղաքի Գորկու մարզադաշտի մոտ բախվել են «Mercedes»-ը և «ГАЗель» մակնիշի բեռնատարը:
Ինչպես հայտնում է shamshyan.com-ը, բախման հետևանքով ավտոմեքենաներում հրդեհ է բռնկվել:
Դեպքի վայր են ժամանել ՀՀ Ներքին գործերի նախարարության Փրկարար ծառայության Գյումրու թիվ 48/1 հրշեջ-փրկարարական ջոկատից 1 մարտական հաշվարկ:
Հրշեջ-փրկարարները նախ կանխել են կրակի տարածումը, ապա մարել այն, սակայն ավտոմեքենաներն ամբողջությամբ վերածվել են մոխարակույտի:
Դեպքի փաստով ոստիկանության Մուշի բաժնում փաստաթղթեր են ձևակերպվում, որտեղ էլ պարզվելու է վարորդների ինքնությունը:
Վթարի հետևանքով, բարեբախտաբար, տուժածներ չկան: