Ադրբեջանը մեր մեծ հարևանն է, բարեկամը, գործընկերն ու դաշնակիցը․ Պեսկով

Ռուսաստանի և Ադրբեջանի երկկողմ հարաբերություններն առանձնանում են հարուստ ավանդույթներով և համագործակցության զարգացման մեծ ներուժով: Այս մասին լրագրողների հետ կանոնավոր ճեպազրույցի ժամանակ հայտարարել Է Կրեմլի մամուլի քարտուղար Դմիտրի Պեսկովը։

Միջոցառման ընթացքում թղթակիցները խնդրել են նրան մեկնաբանել Ադրբեջանի նախագահ Իլհամ Ալիևի այցը Մոսկվա: Նրանք ուշադրություն են դարձրել, որ հանրապետության ղեկավարի այցը համընկել է Բայկալ-Ամուրի մայրուղու (BAM) շինարարության մեկնարկի 50-ամյակի հետ։ Ընդ որում, ԶԼՄ-ների աշխատակիցները հետաքրքրվել են, թե ինչով է բացատրվում Ռուսաստանի նախագահ Վլադիմիր Պուտինի կողմից Ադրբեջանի նկատմամբ այդքան սևեռուն ուշադրությունը:

«Նրանով, որ դա մեր մեծ հարևանն է, բարեկամը, գործընկերն ու դաշնակիցը։ Եվ իսկապես, մենք շատ ընդհանուր հետաքրքրություններ ունենք։ Մենք համագործակցության մեծ ներուժ ունենք և կարևորը մեր երկկողմ հարաբերությունների հարուստ ավանդույթներն են», - ասել Է Պեսկովը։

Նա հավելել է, որ Մոսկվան և Բաքուն քաղաքական կամք ունեն կապերի հետագա ամրապնդման համար:

Այսօր Ալիևն աշխատանքային այցով ժամանել է Ռուսաստանի մայրաքաղաք: Ադրբեջանի նախագահի մամուլի ծառայությունում ընդգծել են, որ այցը կազմակերպվել է Պուտինի հրավերով:

Սպասվում է, որ մոտ ժամանակներս Մոսկվայում կկայանան երկու պետությունների ղեկավարների բանակցությունները: Հանդիպման ընթացքում Պուտինն ու Ալիևը կքննարկեն իրավիճակը Հարավային Կովկասում և երկրների միջև հարաբերությունների զարգացումը: