ՆԱՏՕ–ի անդամ երկրների ՊՆ ղեկավարները և Վլադիմիր Զելենսկին կհանդիպեն

Ապրիլի 19-ին կկայանա Ուկրաինային աջակցության հարցերով Ուկրաինա-ՆԱՏՕ խորհրդի նիստը: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը: Նա Բրյուսելում կայացած մամուլի ասուլիսում ասել է, որ նիստը կկայանա Ուկրաինայի նախագահ Վլադիմիր Զելենսկու խնդրանքով։

Նրանից բացի հանդիպմանը ներկա կլինեն ՆԱՏՕ-ի պաշտպանության նախարարությունների ղեկավարները։ Մասնակիցները կքննարկեն Ուկրաինային ռազմական աջակցությունը։

«Կդիտարկվի Ուկրաինային աջակցության ավելացման հարցը։ Մասնավորապես, ես ակնկալում եմ քննարկում հակաօդային պաշտպանության, ինչպես նաև հրետանային արկերի վերաբերյալ՝ շարունակելով չեխական նախաձեռնությունը, որին աջակցել են Նիդեռլանդները և Դանիան», - ասել է Ստոլտենբերգը Նիդերլանդների Դանիայի և Չեխիայի վարչապետների հետ հանդիպումից հետո կայացած համաժողովում։