Ճապոնիան կպահպանի Ռուսաստանի նավթագազային նախագծերում իր բաժինը

Ճապոնիան մտադիր է պահպանել իր մասնաբաժինը Ռուսաստանում նավթագազային նախագծերում։

 Տոկիոն դրանք կարևոր է համարում էներգետիկ անվտանգության համար։

 Նման տվյալներ են պարունակում երկրի արտաքին գործերի նախարարության «Կապույտ գիրք դիվանագիտության մասին» տարեկան զեկույցում։

 Փաստաթղթում, մասնավորապես, նշվում է, որ Ճապոնիայի կառավարությունը հայտարարել է ռուսական էներգետիկ ռեսուրսները, այդ թվում՝ ածուխն ու նավթը աստիճանաբար դուրս բերելու մտադրության մասին։

 «Սակայն, ինչ վերաբերում է այնպիսի նախագծերին, ինչպիսիք են «Սախալին-1»-ը և «Սախալին-2»-ը, միջնաժամկետ և երկարաժամկետ հեռանկարում կայուն մատակարարումների ապահովման լույսի ներքո, Ճապոնիան շարունակում է դրանք դիտարկել որպես կարևոր նախագծեր երկրի էներգետիկ անվտանգության ոլորտում և մտադիր է.մ պահպանել մասնաբաժինը դրանցում», - նշվում է զեկույցում:

 Միևնույն ժամանակ, դիվանագետները պարզաբանում են, որ Տոկիոն G7 երկրների հետ համագործակցությամբ կշարունակի Ռուսաստանի դեմ «կոշտ պատժամիջոցների քաղաքականություն» վարել։