Սերգեյ Լավրովն ու Հոսեյն Աբդոլլահիանը հեռախոսազրույց են ունեցել
Ապրիլի 14-ին ՌԴ ԱԳ նախարար Սերգեյ Լավրովը և Իրանի արտգործնախարար Հոսեյն Ամիրաբդոլլահյանը հեռախոսազրույց են ունեցել: Այս մասին հայտնում են ՌԴ ԱԳՆ-ից։
Նշվում է, որ հեռախոսազրույցի ընթացքում գործընկերների ուշադրության կենտրոնում է եղել Մերձավոր Արևելքում տիրող իրավիճակը։ Իրանի ԱԳՆ ղեկավարը ռուս գործընկերոջը տեղեկացրել է Թեհրանի ձեռնարկած միջոցառումների մասին՝ ի պատասխան ապրիլի 1-ին Դամասկոսում Իրանի դեսպանատան հյուպատոսական բաժանմունքի վրա Իսրայելի օդային հարվածի, որի հետևանքով իրանցի պաշտոնյաներ են զոհվել։
Հաղորդվում է, տարածաշրջանում իրավիճակի լրացուցիչ սրումը և նոր վտանգավոր սադրիչ գործողությունները կարող են հանգեցնել Մերձավոր Արևելքում լարվածության աճի։ Նման սցենարների կանխարգելումը և դրանց արմատական պատճառների վերացումը պետք է լինեն ՄԱԿ-ի Անվտանգության խորհրդի հատուկ առաջնահերթ ուշադրության առարկան։
Կողմերի դիրքորոշումները հաստատվել են Գազայի հատվածում անհապաղ զինադադարի օգտին, լուծելով ամենահրատապ հումանիտար խնդիրները և ստեղծելով ամուր պայմաններ ուղիղ բանակցությունների համար՝ համաձայն ՄԱԿ-ի բանաձևերի՝ պաղեստինա-իսրայելական հակամարտության երկու պետությունների կարգավորման վերաբերյալ:
