Վրաստանի նախագահ Սալոմե Զուրաբիշվիլին իշխող «Վրացական երազանք-Ժողովրդավարական Վրաստան» կուսակցությունն անվանել է «ռուսական երազանք»՝ նրա քաղաքականության պատճառով։

«Սա «ռուսական երազանք է», – պատասխանել է Զուրաբիշվիլին հեռուստահաղորդավարի այն հարցին, թե «Վրացական երազանքը» կարո՞ղ է «ռուսական» համարվել իր վարած քաղաքականության և ընդունած որոշումների համար։

Ինչպես նշել է Զուրաբիշվիլին, ինքը երկար ժամանակ ձեռնպահ էր մնում Վրաստանի կառավարությանը ռուսամետ անվանելուց, քանի որ նախագահության ինստիտուտը ենթադրում է չեզոքություն, և նման գնահատականը կարող է խանգարել Վրաստանի եվրոպական ուղուն։ Բայց հիմա, ըստ նրա, երկիրն այն փուլում է, երբ անհրաժեշտ է փրկել եվրոպական այս ճանապարհը։