Միայն ժամանակի հարց է․ Իլոն Մասկ
Ամերիկացի գործարար Իլոն Մասկը սոցցանցում ժամանակի հարց է անվանել նույն մասշտաբի ահաբեկչությունը, ինչ 2001 թվականի սեպտեմբերի 11-ին Նյու Յորքի Համաշխարհային Առևտրի կենտրոնի երկվորյակ աշտարակների և Պենտագոնի շենքի վրա հարձակումը՝ ԱՄՆ միգրանտների ներհոսքի ֆոնին:
X սոցիալական ցանցում գործարար Վիվեկ Ռամասվամին հայտարարել է, որ ԱՄՆ-ը ճանապարհ կբացի դեպի «սեպտեմբերի 11-ի հարձակման մասշտաբի եւս մեկ ողբերգություն», եթե երկրի հարավային սահմանին ճգնաժամը չլուծվի: Նրա խոսքով՝ նույնիսկ եթե անօրինական միգրանտների միայն 0,1 տոկոսն ունի թշնամական մտադրություններ, խոսքը տասնյակ հազարավոր պոտենցիալ չարագործների մասին է։
«Միայն ժամանակի հարց է», - գրել է Մասկը Ռամասվամիի գրառման մեկնաբանություններում:
ԱՄՆ-ն անօրինական միգրացիայի ռեկորդային ցուցանիշներ է գրանցում, 2023 թվականի դեկտեմբերին սահմանապահ ծառայության աշխատակիցները գրանցել են 302 հազար ապօրինի սահմանահատում, ինչը մեկ ամսվա ընթացքում ամենախոշոր թիվն է։ Բացի այդ, իշխանությունները ռեկորդային թվով ապօրինի ներգաղթյալներ են արձանագրում բոլոր երեք տարիներին, երբ ԱՄՆ-ն գլխավորում է Ջո Բայդենը։
