«Նովատեկ»–ը պատժամիջոցների պատճառով դադարեցրել է «Арктик СПГ-2»–ի արտադրությունը

Ռուսական «Նովատեկ» գազային ընկերությունը դադարեցրել է իր «Арктик СПГ-2» նախագծում արտադրությունը պատժամիջոցների և լցանավերի պակասի պատճառով, հայտնում է Reuters-ը՝ վկայակոչելով երկու աղբյուրների: Նրանցից մեկը նշել է, որ տեղում շինարարական աշխատանքները դեռ շարունակվում են։

Ըստ Reuters-ի՝ արտադրության մեջ «Նովատեկ»-ի գլխավոր խնդիրը եղել է հեղուկ բնական գազի (LNG) փոխադրման համար տանկերների պակասը։ Փետրվարին հաղորդվեց, որ ընկերությունը չի կարող ստանալ երեք գազակիր կորեական Hanwha Ocean նավաշինարանից, քանի որ նրանց հաճախորդները «Совкомфлот»–ի կառույցներն են, որոնք ընկել են ԱՄՆ պատժամիջոցների տակ։ Եվս երեք տանկերի մատակարարումը հետաձգվել է աշխատուժի պակասի պատճառով։