ԱՄՆ-ում չեն բացառել ռուսական նավթի գնի առաստաղի իջեցման հնարավորությունը

G7-ի երկրները քննարկում են ռուսական նավթի գնի առաստաղի իջեցման հնարավորությունը, որը 2022 թվականի դեկտեմբերից սահմանվել է մեկ բարելի դիմաց 60 դոլար։ Այս մասին գրում է ТАСС-ը՝ հղում անելով ԱՄՆ պետքարտուղարի էներգետիկ ռեսուրսների գծով օգնական Ջեֆրի Փայաթը:

«Կարճ պատասխանն է՝ այո»,- ասել է նա:

Փայաթը հավելել է, որ ԱՄՆ-ն, գների սահմանափակմամբ զբաղվող կոալիցիոն գործընկերների հետ միասին, հակված է Ռուսաստանին «զրկել» էներգակիրների վաճառքից ստացվող եկամուտներից։

Ռուսաստանից նավթի առաստաղը՝ 60 դոլար մեկ բարելի դիմաց, գործում է 2022 թվականի դեկտեմբերից։ Այն երկրները, որոնք միացել են այս էմբարգոյին, արգելում են լոգիստիկ և արտասահմանյան ընկերություններին ռուսական հումք տեղափոխել, եթե դրանք մատակարարվում են սահմանված սահմանաչափից բարձր գնով։ Խախտման դեպքում ապահովագրական, բեռնափոխադրող և վարկային կազմակերպություններին կարգելվի սպասարկել այդ գործարքները։ Բացի այդ, ֆիզիկական անձինք և ընկերությունները կարող են ենթարկվել պատժամիջոցների:

ԵՄ երկրները սահմանափակել են նաև ռուսական նավթամթերքի գները։ Դիզելային վառելիքի սահմանաչափն է 100 դոլար, իսկ զեղչային ապրանքների համար, ներառյալ ջեռուցման յուղը, 45 դոլար: