Կրոկուսի ահաբեկչության մեջ մեղադրվողներից երկուսը մարտի 2-ին նույն չվերթով ժամանել են Մոսկվա, հայտնում է Reuters-ը՝ վկայակոչելով Թուրքիայում իր աղբյուրը։

Աղբյուրի փոխանցմամբ՝ ահաբեկիչները, որոնք Տաջիկստանի քաղաքացիներ են, կարճ ժամանակով Թուրքիա են գնացել՝ Ռուսաստանում իրենց բնակության թույլտվությունը երկարաձգելու համար։

Ավելի վաղ հայտնել էինք, որ ՌԴ ՔԿ-ն միջնորդել է ձերբակալել «Կրոկուսի» ահաբեկչության գործով ևս 3 կասկածյալի։ 3-ն էլ կրում են Իսլոմով ազգանունը, հավանաբար նույն ընտանիքի անդամներ են։

Ըստ նախնական տեղեկությունների՝ հենց Իսլոմովներն են վաճառել այդ նույն սպիտակ «Рено» մակնիշի մեքենան «Կրոկուսում» ահաբեկչություն իրականացնողներին: Այս մասին ահյտնում է 112 տելեգրամյան ալիքի աղբյուրը:

Քննիչները դեռ չեն բացահայտել, թե այլ կերպ ինչպես են նրանք մասնակցել մարդկանց զանգվածային սպանությունների կազմակերպմանը։