Ընտրություններից հետո Պուտինն ուղերձ է հղել

ՌԴ նախագահ Վլադիմիր Պուտինը իր տեսաուղերձում հայտարարոլ է՝ ընտրությունները ցույց տվեցին, որ ՌԴ–ն մի մեծ ու համերաշխ ընտանիք է։ 

«Միասին գնում ենք մեր ընտրած պատմական ուղով` վստահ լինելով մեզ վրա, մեր ուժերի և մեր ապագայի։ Կանենք ամեն բան, որ մեծ ազգային ծրագրերն իրականություն դառնան»,– ընդգծել է նա։

Պուտինը նշել է, որ ընտրությանը մասնակցած բոլոր թեկնածուների մոտ կային կոնկրետ առաջարկներ կոնկրետ խնդիրների վերաբերյալ, և կառուցողական առաջարկներն ու գաղափարները, որոնք նաև ընտրողների համակարանքին են արժանացել, ՌԴ կառավարությունը կօգտագործի ի նպաստ երկրի զարգացման։

Պուտինի գնահատմամբ` անցկացվել են պատասխանատու ընտրություններ, որոնց արդյունքում ռուս ժողովուրդն ընտրել է այն ճանապարհը, որով Ռուսաստանը շարունակելու է առաջ գնալ։

«Մենք մեր և մեր երեխաների ապագան ընտրեցինք, և այս ընտրության կարևորության մասին վկայում է նաև ընտրողների մասնակցության ակտիվությունը։ Շնորհակալ եմ աջակցության համար. ձեր ամեն քվեն շատ կարևոր էր, և կարևոր չէ, թե ում օգտին եք քվեարկել, կարևորը, որ գիտակցել եք ձեր քաղաքացիական պարտքի կարևորությունը, հարգել եք ձեր ձայնի իրավունքը և ազատ ընտրությունները։ Ձեր յուրաքանչյուրի ձայնը հսկայական նշանակություն է ունեցել»,– հայտարարեց նա։

ՌԴ նախագահն իր խոսքը եզրափակել է․ «Շնորհակալ եմ ձեր վստահության համար ու կանեմ ամեն ինչ, որ այն արդարացնեմ»։