Դա կյանքի և մահվան հարց է. Զելենսկի

Պուտինը պետք է պարտվի, և դա կյանքի և մահվան հարց է ժողովրդավարական աշխարհի համար: Այս մասին իր ուղերձում ասել Է Ուկրաինայի նախագահ Վլադիմիր Զելենսկին։

Պետության ղեկավարի խոսքով՝ երբ Պուտինը պարտվի, ժողովրդավարական աշխարհը «լավ հեռանկար կստանա գալիք սերնդի համար»:

«Մենք պետք է կայուն լինենք տարբեր մարտահրավերների նկատմամբ, մենք պետք է լինենք հեռահար, որպեսզի հաղթենք Պուտինին, այլ ոչ թե գտնվենք մի իրավիճակում, երբ Արևմուտքի ամրության վերաբերյալ կասկածներն օգնում են այս խելագարին», - ընդգծել է Զելենսկին:

Նա նաեւ հայտնել է, որ հանդիպում է ունեցել Միացյալ Նահանգների նախագահի ազգային անվտանգության հարցերով խորհրդական Ջեյք Սալիվանի հետ:

«Շատ բովանդակալից, շատ կոնկրետ խոսակցություն է և պաշտպանական փոխգործակցության, և համատեղ քաղաքական արդյունքների մասին, որոնց պետք է հասնենք։ Ես շնորհակալ եմ Ամերիկային մեր պետության և մարդկանց աջակցության համար, և դա կենսական նշանակություն ունի, որպեսզի ամերիկյան առաջնորդությունն ամուր մնա միջազգային իրավակարգի պաշտպանության գործում», - ընդգծել Է նախագահը: