Մալյանն արդարացվել է 1-ին գործով, նա շարունակում է «Լայվի» գործով կալանավորված մնալ
Քաղբանտարկյալ, հասարակական գործիչ Նարեկ Մալյանի պաշտպան Տիգրան Աթանեսյանը պարզաբանում է տարածել Մալյանի գործով դատավարության մասին․
«Հարգելի հայրենակիցներ, հաշվի առնելով, որ ստանում եմ բազում զանգեր քաղբանտարկյալ Նարեկ Մալյանի այսօրվա դատավարության հետ կապված, թյուրիմացություններից խուսափելու համար, ասեմ, որ այսօրվա արդարացումը վերաբերում է Ն.Մալյանի վերաբերյալ առաջին գործին, որը դատարանների վարույթում է արդեն մի քանի տարի, իսկ Նարեկ Մալյանը կալանավորվել է և հիմա էլ գտնվում է կալանքի տակ այսպես կոչված «Լայվի» գործով, որը դատարան է ուղարկվել անցյալ տարի աշնանը»,- մանրամասնել է պաշտպանը։
