Ստոլտենբերգի գրառումը՝ ՀՀ վարչապետի և նախագահի հետ ունեցած հանդիպումների մասին
Ուրախ եմ Երևանում հանդիպել ՀՀ նախագահ Վահագն Խաչատրյանի և վարչապետ Նիկոլ Փաշինյանի հետ: Այս մասին X-ի իր միկրոբլոգում գրել է ՆԱՏՕ-ի գլխավոր քարտուղար Յենս Ստոլտենբերգը։
«Ես անհամբերությամբ սպասում եմ ՆԱՏՕ-ի գործընկերության ամրապնդմանը Հայաստանի հետ։ Խաղաղությունն ու կայունությունը Հարավային Կովկասում անվտանգության համար կարեւոր են ավելի լայն իմաստով: Կոչ եմ անում Հայաստանին և Ադրբեջանին օգտվել տևական խաղաղություն հաստատելու հնարավորությունից»,-գրել է նա:
Հիշեցնենք՝ այսօր Կառավարությունում տեղի է ունեցել վարչապետ Նիկոլ Փաշինյանի և ՆԱՏՕ-ի գլխավոր քարտուղար Յենս Ստոլտենբերգի ընդլայնված կազմով հանդիպումը: Հանրապետության նախագահի նստավայրում էլ կայացել է նախագահ Վահագն Խաչատուրյանի և ՆԱՏՕ-ի գլխավոր քարտուղար Յենս Ստոլտենբերգի հանդիպումը:
