Սահմանին կհանդիպեն Իրանի և Ադրբեջանի նախագահները

Ադրբեջանի և Իրանի նախագահները կայցելեն Խուդաֆերին, որտեղ հանդիպում կունենան։ Այս մասին ադրբեջանական լրատվամիջոցներին հայտնել է Ադրբեջանում Իրանի դեսպան Սեիդ Աբբաս Մուսավին։

«Երկու երկրների ղեկավարների մասնակցությամբ սահմանին տեղի կունենա Խուդաֆերին և Գիզ Գալասի հիդրոէլեկտրակայանների և համապատասխան ամբարտակների բացման արարողությունը»,- ասել է դիվանագետը։

Իր խոսքով` հանդիպելու են նաև երկու երկրների էներգետիկայի նախարարները։

Դեսպանը նշել է, որ աշխատանքները կիրականացվեն նաև Արազի կամրջի անցակետի, ինչպես նաև Աղբենդայի կամրջի վրա գտնվող ճանապարհային և երկաթուղային գծի արագ շահագործման հանձնելու ուղղությամբ: