Մեզ համար եկել է դիմադրության ժամանակը․ Մակրոն
Ֆրանսիան կկարողանա դիմակայել Ռուսաստանին այն դեպքում, եթե նման անհրաժեշտություն առաջանա։ Այս մասին France 2 հեռուստաալիքի եթերում հայտարարել է Ֆրանսիայի նախագահ Էմանուել Մակրոնը։ Տեղեկությունը փոխանցում է gazeta.ru-ն։
«Մեզ համար եկել է դիմադրության ժամանակը։ Եթե իրավիճակը վատթարանա, մենք պատրաստ ենք որոշումներ ընդունել, որոնք կերաշխավորեն, որ Ռուսաստանը երբեք չի հաղթի»,- հայտարարել Է Մակրոնը։
Թե ինչ է պատրաստվում անել Ֆրանսիան, Մակրոնը չի հստակեցրել։ Սակայն դրանից հետո անմիջապես հավելել է, որ ֆրանսիական բանակը չի կռվում ոչ Ռուսաստանի, ոչ ռուս ժողովրդի դեմ, այլ միայն շարունակում է աջակցել Ուկրաինային։
Մինչ այդ սենատոր Ալեքսեյ Պուշկովը մեկնաբանել էր Քենթերբերիի արքեպիսկոպոսի՝ Անգլիկան եկեղեցու հոգևոր առաջնորդի խոսքերը, որը դեմ էր արտահայտվել «պատերազմի ոգուն» և Մակրոնին անվանել «աղետ կրող քնաբեր»:
Մարտի 14-ին Մակրոնը խոստովանել է, որ պատրաստ չէ «Մեծ պատերազմին»։ Ֆրանսիայի տնտեսությունը պատրաստ չէ բարձր ինտենսիվության ռազմական հակամարտության, ինչպիսին Ռուսաստանի դեմ պատերազմն է, հստակեցրել է եվրոպական պետության ղեկավարը:
