Քաղաքապետարանի պաշտոնյային կաշառք ստանալու մեղադրանք է ներկայացվել․ նա ձերբակալվել է

Երևանի քաղաքապետարանի Ճարտարապետության եւ քաղաքաշինության վարչությունում Հակակոռուպցիոն կոմիտեի կողմից իրականացված խուզարկությունների արդյունքում ձերբակալվածներից մեկը Երևանի քաղաքապետարանի պաշտոնատար անձ է։ Այս տեղեկությունը NEWS.am-ին ՀՀ հակակոռուպցիոն կոմիտեից հաստատեցին։

«Վերջինիս մեղադրանք է ներկայացվել կաշառք ստանալու համար»,- հայտնեցին Հակակոռուպցիոն կոմիտեից։

Նշենք, որ վարույթով ձերբակալվել է 5 անձ։

Ավելի վաղ հաղորդել էինք, որ Երեւանի քաղաքապետարանում կատարված խուզարկությունների արդյունքում կան ձերբակալվածներ։

Հիշեցնենք, որ իրավապահները խուզարկություններ էին կատարել Երեւանի քաղաքապետարանի աշխատակազմի ճարտարապետության և քաղաքաշինության վարչությունում։