Մեզ փորձում են վախեցնել․ Վլադիմիր Պուտին

Ղրիմի կամրջի վրա հնարավոր հարվածների մասին գերմանացի սպաների դատողությունները կոչված են վախեցնելու Ռուսաստանին, բայց դա ոչ այլ ինչ է, քան ֆանտազիա: Այս մասին հայտարարել Է ՌԴ նախագահ Վլադիմիր Պուտինը «России 1»- ի և «ՌԻԱ Նովոստի» - ի համար Դմիտրի Կիսելյովին տված հարցազրույցում:

«Երևակայում են, առաջին հերթին իրենք իրենց ոգևորում են։ Երկրորդ ՝ մեզ փորձում են վախեցնել։ Ինչ վերաբերում է ԳԴՀ-ին, այնտեղ սահմանադրական բնույթի խնդիրներ կան ։ Նրանք ճիշտ են ասում ՝ իսկ եթե այդ Taurus - ները հայտնվեն Ղրիմի կամրջի այն հատվածում, որն, անշուշտ, նույնիսկ ըստ իրենց ռուսական տարածք է։ Դա Գերմանիայի Դաշնային Հանրապետության Սահմանադրության խախտում է», — ասել է նա։ 

Պուտինի խոսքով ՝ Գերմանիայում ընդդիմությունն իրեն ավելի ագրեսիվ է պահում։

«Տեսնենք, թե մինչև ուր կպայմանավորվեն, մենք ուշադիր հետևում ենք դրան», - նշել է նա:

Հիշեցնենք` «Ռոսիա Սեգոդնյա» ՄՏԳ–ի և RT–ի գլխավոր խմբագիր Մարգարիտա Սիմոնյանը հրապարակել էր գերմանացի սպաների խոսակցության տեքստի սղագրությունը։ Այդ խոսակցության ընթացքում նրանք քննարկում են Ղրիմի կամրջի վրա հարձակվելու հնարավորությունը։ Սիմոնյանը նշել էր, որ 40-րոպեանոց ձայնագրության մեջ կարելի է լսել նաև հակամարտությանը բրիտանացիների և ֆրանսիացիների վաղեմի մասնակցությունը հաստատող խոսքեր։

Զրույցը, որի ընթացքում բունդեսվերի ներկայացուցիչները խոսում են Ղրիմի կամրջին հասցվելիք հարվածների մասին, կայացել է փետրվարի 19-ին։ Թեման քննարկել են ՌՕՈւ հրամանատարության գործողությունների և զորավարժությունների բաժնի ղեկավար Գրեգեն, ՌՕՈւ տեսուչ Գերհարտցը (լուսանկար) և օդային գործողությունների կենտրոնի աշխատակիցներ Ֆենսկեն և Ֆրոշտեդտեն։

Միևնույն ժամանակ սպաներից մեկը հիշատակել է փետրվարի 21-ին Ուկրաինա ծրագրվող այցի մասին` համակարգելու համար ռուսական օբյեկտներին հասցվող հարվածները։ Բացի այդ, բունդեսվերը հնարավոր է համարել Կիևին «Taurus» տեսակի 100 հրթիռ փոխանցելը, որոնք պատրաստ կլինեն կիրառման համար 8 ամսից։