Կառավարության շենքի մոտ ինքնահրկիզման փորձ կատարած տղամարդու ինքնությունն արդեն պարզվել է
Կառավարության շենքի մոտ ինքնահրկիզման փորձ կատարած տղամարդու ինքնությունն արդեն պարզվել է, նա գտնվում է ոստիկանության բաժնում: Այս մասին Auroranews-ին հայտնել Է ՆԳՆ մամուլի քարտուղար Նարեկ Սարգսյանը։
«Նախապատրաստվում են նյութեր, դրանք կփոխանցվեն նախաքննական մարմնին», - ասաց նա՝ այլ մանրամասներ չհայտնելով:
Ինքնահրկիզման կադրերում երևում է, որ ինքնահրկիզման փորձ կատարող տղամարդու ձեռքի հեղուկ զանգվածը լցվել է նաև ոստիկաններից մեկի վրա։ Սարգսյանը նշեց, որ ոստիկանը չի տուժել, նրա հետ ամեն ինչ կարգին է։
Տեսակադրերում երեւում է նույն ոստիկանը՝ ծխախոտով։ Սարգսյանը խոստովանց, որ տհաճ տեսարան է։
«Տհաճ տեսարան է, բայց հենց նա է վնասազերծել քաղաքացուն»,- եզրափակեցին գերատեսչությունից:
