ՏԵՍԱՆՅՈՒԹ. Պրիմորիեում անտառային հրդեհները մոտեցում են գյուղերին. գործում է հրդեհային ռեժիմ

ՌԴ-ի Պրիմորիեն պատվել է անտառային հրդեհներով: Մինչ հրշեջները փորձում են վերացնել բռնկումները, կրակը մոտենում է գյուղերին։ Հայտնում են տեղի լրատվամիջոցները:

Պրիմորսկի երկրամասը բնական աղետի զոհ է դարձել այն բանից հետո, երբ անտառներում չոր խոտ է բռնկվել։ Ամբողջությամբ տափաստաններից ու անտառներից բաղկացած շրջանի գրեթե ողջ ծայրամասն այժմ այրվում է կրակի մեջ։ Այն մոտենում է Սլավյանկա գյուղին սնուցող ջրային կայանին։ Կրակն այնքան ուժգին է, որ նույնիսկ նրանից հեռու երկինքը լցվել է սև ծխով:

Ամեն ինչ բարդանում է ուժեղ քամու պատճառով՝ այրվող չոր անտառներից կայծերը ամեն պոռթկումով ընկնում են փայտե շենքերի վրա։ Այժմ, ըստ Արտակարգ իրավիճակների նախարարության, գրանցվել է երկու բռնկում՝ ավելի քան 4 հազար հա ընդհանուր մակերեսով, որոնց մեծ մասը տեղայնացվել է։ Ներկայումս Պրիմորսկի երկրամասում գործում է հրդեհային ռեժիմ։