ԼՈՒՍԱՆԿԱՐՆԵՐ. Թուրքիայի հիվանդանոցներից մեկի մոտ տեղի ունեցած հրաձգության հետևանքով 7 մարդ վիրավորվել է
Երկու անհայտ անձինք կրակ են բացել Թուրքիայի Դենիզլի նահանգի համալսարանական հիվանդանոցի մոտ, ինչի հետևանքով յոթ մարդ վիրավորվել է։ Այս մասին հայտնել է NTV հեռուստաալիքը։
«Դենիզլիում երկու մարդ կրակ է բացել Փամուկկալեի համալսարանական հիվանդանոցի մուտքի մոտ գտնվող սրճարանում», - ասվում է զեկույցում:
Նշվում է, որ երկու տուժածների վիճակը ծանր է, բոլոր վիրավորներին անհրաժեշտ օգնություն է ցուցաբերվում։ Անմիջապես դեպքի վայր են ժամանել ոստիկանական խմբեր, սակայն հարձակվողներին հաջողվել է փախչել։ Նրանց ինքնությունը դեռ պարզված չէ։
