ՏԵՍԱՆՅՈՒԹ․ Երևանում՝ Հրազդան գետի ափին, հայտնաբերվել են տասնյակ քարանձավներ

Երևանում՝ Հրազդան գետի ափին, հայտնաբերվել են տասնյակ քարանձավներ, որոնք բնակեցված են եղել մարդկության պատմության ամենավաղ շրջանից՝ վաղ հին քարի դարից։ Այս մասին հաղորդագրություն և տեսանյութ է տարածել Երևանի քաղաքապետարանը:

Նշվում է, որ հին քարեդարյան մշակույթի հարուստ հավաքածու է հայտնաբերվել մայրաքաղաքի ամենահին՝ «Երևան-1» քարայրում:

«Այստեղից հայտնաբերվել է ավելի քան 20 հազար՝ տարբեր գույների ու երանգների՝ վանակատից, կայծքարից, բազալտից և հասպիսից պատրաստված բազմատեսակ աշխատանքային գործիքներ, նաև կենդանիների ոսկորներ: Հայտնաբերվել է նաև քարայրի բնակչի` համեմատաբար լավ պահպանված կմախքը»,- ասվում է հաղորդագրության մեջ:

Հնագիտական նյութերը պահպանվում են Երևան քաղաքի պատմության թանգարանում: